For entreprenørar
Entreprenørar som utfører arbeid for Mørenett må følge våre instruksar og rutiner. Dette kan vere selskap som arbeider i kraftnettet vårt, monterar målarar for oss eller utfører tenester for DLE.
Instruks frå driftsleiar
Entreprenørar som gjer arbeid i nettet vårt må til ei kvar tid følge instruks gitt av driftsleiaren vår.
Dokumentet "Driftsleders instrukser" er ei samling av alle instruksane gitt av driftsleiaren vår. Dokumentet omfattar rutinar og instruksar som skal sikre at arbeid i kraftnettet vårt vert utført i tråd med Forskrift om Sikkerhet ved arbeid i og drift av Elektriske anlegg (FSE).
Installatør
I Mørenett følger vi REN standard for installasjon av målar i lågspentanlegg.
RENblad 4000 LS Nett: Administrative bestemmelser
RENblad 4001 LS Nett: Krav til målepunkt direktemåling
RENblad 4002 LS Nett: Krav til målepunkt trafomåling
RENblad 4003 LS Nett: Krav til tilgang og plassering
RENblad 4004 LS Nett: Krav til kvalitetskontroll og direktemåling
RENblad 4005 LS Nett: Krav til kvalitetskontroll og trafomåling
Pris målarmontasje
Installatørar vi har avtale med får kompensert for arbeid med målarmontasje.
Satsane vert årleg KPI-justert. I tabellen finn du satsane per 1. januar 2020.
Satsar per 1.januar 2020
Kode | Type arbeid | Pris (eks. mva) |
---|---|---|
LS01 | Målarbyte | 740 kr |
LS02 | Oppsett av ny målar | 530 kr |
Fellesmåling
Retten til fellesmåling av sluttbrukarar vart oppheva med verknad frå 1. januar 2010. No skal kvar enkelt bueining og fritidsbustad målast og avreknast kvar for seg.
Tidlegare hadde sluttbrukarar rett til å gå saman om å ha eitt felles abonnement for straumnett og kraft, ei såkalla fellesmåling. Etter endring i kontrollforskrifta er denne retten oppheva, og erstatta med krav om individuell måling. Kravet gjeld ikkje næringsbygg som for eksempel kjøpesenter, næringspark eller kontorfelleskap.
Etter ei individuell vurdering kan nettselskap tilby fellesmåling i dei tilfelle der individuell måling vil medføre urimelege kostnadar. Det kan for eksempel vere der kundemassen er ustabil med mykje inn- og utflytting slik som studentbustadar, hybelhus eller bufellesskap innafor omsorgsetaten.
Mørenett har laga intern rutine for utøving av dette skjønnet.